Հայտարարություններ

18 Հնվ 2022

Apple Pay ծառայություններն արդեն հասանելի են Հայաստանում

 

Հարգելի օգտատերեր

 

Տեղեկացնում ենք, որ Արմենիան Քարդ ընկերության և բանկերի համատեղ  իրականացրած  արդյունավետ աշխատանքի արդյունքում այսօրվանից մեկնարկեց հայաստանյան բանկերի թողարկած Visa և Mastercard վճարային համակարգերի քարտերով APPLE PAY ծառայությամբ վճարումների իրականացումը։

Մեկնարկի պահին ծառայությունը դեռևս ակտիվացրել են բանկերի մի մասը (հասանելիությունը ճշտեք Ձեզ սպասարկող բանկից)։

Զուգահեռաբար աշխատանքներ են ընթանում մնացած բանկերի հետ ևս՝ հնարավորինս կարճ ժամանակահատվածում իրենց հաճախորդներին APPLE PAY ծառայությունը հասանելի դարձնելու ուղղությամբ։

18 Հնվ 2021

2021թ-ի համար հաշվառված «Փոխադրամիջոցների գույքահարկի» և «Անշարժ գույքի հարկի» մասով տվյալների վերաբերյալ

 

Հարգելի քարտապաններ,

 

Տեղեկացնում ենք, որ մեր կայքում և հավելվածում առցանց վճարումների եղանակով արտացոլված են միայն 2020թ-ին վերաբերող գույքահարկի և հողի հարկի պարտավորությունները, իսկ 2021թ-ի համար հաշվառված «Փոխադրամիջոցների գույքահարկի» և «Անշարժ գույքի հարկի» մասով տվյալները դեռևս չեն տրամադրվում Երևանի քաղաքապետարանից, ուստի, վերջինիս խորհրդով, պարտավորությունների չափը ճշտելու համար անհրաժեշտ է դիմել համապատասխան վարչական շրջան:

Կայքով 2021 թվականի գույքահարկի վճարումների հնարավորության վերաբերյալ կտեղեկացնենք հավելյալ։